Isa 42 | Ndebele | STEP | Khangela inceku yami , engiyisekelayo, umkhethwa wami , othokoza ngaye umphefumulo wami ; ngibekile uMoya wami phezu kwakhe ; uzavezela izizwe isahlulelo.

1 Khangela ^a inceku yami ^b, engiyisekelayo, umkhethwa wami ^c, othokoza ngaye umphefumulo wami ^d; ngibekile uMoya wami phezu kwakhe ^e; uzavezela izizwe isahlulelo. 2 Kayikumemeza, kayikuphakamisa ilizwi, kayikwenza ilizwi lakhe lizwakale esitaladeni. 3 Umhlanga ofecekileyo kayikuwephula, lentambo yesibane ethunqayo kayikuyicitsha; uzaveza isahlulelo ngeqiniso. 4 Kayikudinwa, kayikwephulwa, aze amise isahlulelo emhlabeni; lezihlenge ^f zizalindela umlayo wakhe.

5 Utsho njalo uNkulunkulu iNkosi, owadala amazulu, wawelula ^{g
,} ^h, owendlala umhlaba ^{i
,} ^j lalokho okuphuma kuwo ^k, onika abantu abakuwo ukuphefumula ^{l
,} ^m, lomoya ⁿ kulabo abahamba kuwo. 6 Mina Nkosi ngikubizile ngokulunga, ngizabamba isandla sakho ^o, ngikulondoloze, ngikunike ube yisivumelwano sabantu ^p, ube yikukhanya kwabezizwe ^q. 7 Ukuthi uvule amehlo eziphofu ^r, ukuthi ukhuphe izibotshwa entolongweni ^s, labahlezi emnyameni ^t endlini yezibotshwa. 8 NgiyiNkosi, lelo libizo lami; lodumo lwami ^u kangiyikulunika omunye ^v, kumbe indumiso yami ezithombeni ezibaziweyo. 9 Khangela, izinto zamandulo sezifikile ^w; sengimemezela izinto ezintsha ^x; zingakahlumi ngilitshela ngazo.

Ingoma entsha yokudumisa iNkosi

10 Hlabelelani ^y iNkosi ingoma entsha, indumiso zayo kusukela emkhawulweni womhlaba; lina elehlela elwandle ^z, lokugcwala kwalo, zihlenge ^aa, labahlali bazo. 11 Kakuthi inkangala ^ab lemizi yayo kuphakamise ilizwi ^ac, lemizi uKedari ^ad ahlala kuyo; kakuthi abahlali bedwala bahlabelele, bamemeze besengqongeni yezintaba. 12 Kabayinike udumo ^ae iNkosi, bamemezele indumiso ^af yayo ezihlengeni ^ag. 13 INkosi izaphuma njengeqhawe ^ah, ivuselele ukutshiseka njengendoda yempi ^ai; izamemeza, yebo iklabalale ^aj, izinqobe izitha zayo.

14 Kwasendulo ngithule, ngathi zwi, ngazibamba ^ak; ngizakhala njengowesifazana obelethayo ^al; ngiphefuzele, ngikhefuzele kanyekanye. 15 Ngizabhidliza izintaba lamaqaqa, ngomise konke okuluhlaza kwazo, ngenze imifula ibe yizihlenge ^am, ngomise amachibi. 16 Njalo ngizakwenza iziphofu zihambe ngendlela ezingayaziyo, ngizikhokhelele emikhondweni ezingayaziyo; ngizakwenza umnyama ube yikukhanya phambi kwazo, lezinto ezigobileyo ziqonde; lezizinto ngizazenza kuzo, ngingaziyekeli.

UIsrayeli wahlupheka ngenxa yokungalaleli umlayo weNkosi

17 Bazabuyiselwa emuva ^an, bayangeke ngenhloni ^ao abathembela ezithombeni ezibaziweyo, abathi ezithombeni ezibunjwe ngokuncibilikisa: Lingonkulunkulu bethu. 18 Zwanini lina zacuthe ^ap, lani ziphofu likhangele, ukuze libone ^aq. 19 Ngubani oyisiphofu ^ar ngaphandle kwenceku yami ^as, kumbe oyisacuthe njengesithunywa sami engisithumayo? Ngubani oyisiphofu njengopheleleyo, loyisiphofu njengenceku yeNkosi ^at? 20 Wena ubona izinto ezinengi ^au, kodwa ungaziqaphelisi ^av; yena uvula izindlebe, kodwa kezwa ^aw. 21 INkosi iyathokoza ngenxa yokulunga kwayo; ikhulise umlayo ^ax, iwenze ube lodumo. 22 Kodwa laba ngabantu abantshontshelwayo baphangwa, bonke bathiyiwe emigodini, bafihlwa ezintolongweni; bangabokuphangwa ^ay, njalo kungekho okhululayo; bayimpango ^{az
,} ^ba, njalo kungabikho othi: Buyisela. 23 Ngubani phakathi kwenu ozabeka indlebe kulokhu, ozalalela azwe esikhathini esizayo? 24 Ngubani owanikela uJakobe ekuphangweni ^bb, loIsrayeli kubaphangi? Kwakungeyisiyo yini iNkosi esone kuyo? Ngoba bengavumanga ukuhamba endleleni zayo, njalo bengalalelanga umlayo wayo. 25 Ngakho yathululela ^bc phezu kwakhe ukuvutha kolaka lwayo, lamandla empi; njalo kwamthungela ngomlilo ^bd inhlangothi zonke, kodwa kakwazanga ^be; kwamtshisa, kodwa kakubekanga enhliziyweni ^bf.